سياسة الخصوصية — BRISKRO

آخر تحديث: 2026-10-29

مشغّل المنصة BRISKRO (بريسكرو) منصة مستقلة لمنتجات الألعاب الرقمية — كوينز وحسابات EA SPORTS FC، وألعاب واشتراكات PlayStation و Steam، وخدمات بوستينج — وسوق بيسمح للمستخدمين المسجلين يعرضوا حساباتهم للبيع. المنصة بتشغّلها شركة BRISKRO تحت التأسيس في جمهورية مصر العربية؛ المسؤول عن بياناتك هو مشغّل المنصة، وتتواصل معاه من صفحة الدعم في الموقع أو على [email protected].

البيانات المجمعة

• حساب على الموقع: الإيميل والاسم وصورة البروفايل اللي بيبعتها جوجل لو سجّلت بجوجل، أو الإيميل لو سجّلت به. رقم الموبايل لو اخترت تضيفه للتحقق (اختياري وبموافقتك).
• الطلبات والعروض: اللي بتشتريه أو بتعرضه، أسعاره، تواريخه، ورسايل غرفة الصفقة. رسايل غرفة الصفقة بتتراجع آليًا للحماية من الاحتيال (مثلًا محاولات نقل التعامل خارج الموقع)، وفريق الدعم يقدر يشوفها عند النزاع. إيصالات التحويل اللي بترفعها بتتخزن في مكان خاص ما يشوفهوش غير فريق المالية.
• تقييم التشكيلة: صورة التشكيلة اللي بترفعها وتقرير التقييم. ما بنخزنش فيها بيانات شخصية، وبتتمسح بعد 24 ساعة من انتهاء الرابط.
• بيانات تقنية: عنوان IP، نوع المتصفح، وبصمة جهاز عامة — بنستخدمها للحماية من الاحتيال والحسابات المكررة بس.
• الدعم: محادثاتك مع فريق الدعم على الموقع أو الإيميل.

استخدام البيانات تشغيل حسابك وطلباتك، التحقق من الدفع والتسليم، حل النزاعات، حماية المشترين والبياعين من النصب، تحسين الموقع، وإرسال رسائل خاصة بحسابك أو طلبك (كود الدخول، حالة الطلب). ما بنبعتش رسائل تسويقية غير لو وافقت صراحةً.

الوصول إلى البيانات فريق المتجر حسب دوره (الدعم بيشوف حالة الطلب، المالية بتشوف الإيصالات). ومزوّدو الخدمة اللي بيشغّلوا الموقع: Supabase (قاعدة البيانات والدخول)، Cloudflare (الاستضافة والحماية)، Resend (إيميلات الحساب)، Google (تسجيل الدخول بجوجل)، و Anthropic (قراءة صور التشكيلات بالذكاء الاصطناعي — الصورة بس، بدون بيانات حسابك). ما بنبيعش بياناتك لحد. في الصفقات بين مستخدمين، كل طرف بيشوف اسم مستعار للتاني بس — رقمك وإيميلك ما بيتشاركوش.

الاحتفاظ بالبيانات بيانات الحساب طول ما الحساب موجود. سجلات الطلبات والمدفوعات 5 سنين لأغراض المحاسبة والنزاعات. أكواد الدخول 7 أيام. إيصالات التحويل 12 شهر بعد إقفال الطلب. صور التقييم 24 ساعة.

حقوقك تقدر تطلب نسخة من بياناتك، تصحيحها، أو حذف حسابك من إعدادات الحساب أو عن طريق الدعم. حذف الحساب بيشيل بياناتك الشخصية ويحتفظ بسجلات المدفوعات اللي القانون بيلزمنا بيها بشكل مجهول الهوية.

الأمان كل الاتصال مشفّر (HTTPS). بيانات الحسابات المعروضة للبيع الفوري بتتخزن مشفّرة ولا يشوفها غير المشتري بعد تأكيد الدفع. كلمات السر ما بنخزنهاش أصلًا — الدخول بجوجل أو بكود على الإيميل.

الأطفال الموقع للـ 18 سنة فما فوق.

تحديثات السياسة لو غيّرنا السياسة دي هنكتب تاريخ التحديث فوق ونبلّغك على الإيميل لو التغيير جوهري.

التواصل صفحة الدعم في الموقع — أو [email protected].